kegel 拉長運動

好耐冇寫 blog 了, 呢排真係好忙

因為依家我每日要搵一個鐘玩 wii fit 同埋搵一個鐘去鍛鍊

不過個 blog 不能荒廢太耐

所以今日同大家講下一個有效 d 既拉長運動


o係我地做拉長運動既時間, 我地既 BC 肌係會反射動作咁收縮, 卸左好多力走, 令到拉長運動既效率降低左

所以o係你做拉長運動之前, 先做快速 kegel 100-200 下, 咁當你做拉長運動時 BC 肌就比較唔會收縮


有冇效我唔知, 不過我懶, o岩o岩開始時都會做 kegel 先, 依家已經唔會了...

掛住打機冇寫 blog

最近因為出左美版 wii fit, 所以成日掛住打機, 冇乜打理個 blog

雖然日版 wii fit 出左差唔多半年, 但美版都係前幾日先出, 所以o岩o岩先到手, 呢幾日o係度不停玩

小弟其實唔單止想增大陽具, 仲好想減肥

可惜日日坐 office, 想唔肥都難...

想當年, 我仲係一個激瘦既人...如今, 我已經有個肚腩了

依家除左目標將陰莖增長兩吋增粗一吋之外, 仲想將我既肚腩減少 5 吋...

你話如果可以將肚腩 d 吋數轉移去陰莖度, 你話幾好呢 -__-?

呢排確實係懶散左, 今個星期鍛鍊左 4 日, 少左日, 希望唔好再懶散落去啦~

鍛鍊一個月成果: 5 月 21 號既 Size

終於都鍛鍊左 30 日了, 今日亦都拎起把尺度一度

勃起長度: 15.0cm
勃起粗度: 12.7cm


結果呢一個月為我帶黎左 1cm 既長度同 0.2cm 既粗度

長左 1cm 真係算好好~所以我都好感動!

不過其實我想粗多 d...我既目標係粗 15cm, 不過粗度不嬲都好難練...唯有努力啦!

重談擠奶大法

可能係我表達力有問題, 有網友話唔係好明點做擠奶, 我唯有嘗試重新解釋下啦...

當然, 擠奶前後都要做熱敷啦 (正確黎講係每次鍛鍊前後都要做, 熱敷即係拎條熱毛巾包住陰莖, 毛巾凍左既話再整熱再包, 維持 3-5 分鐘左右)

擠奶前要有潤滑劑, vaseline 或 BB 油都 ok

第一步：將潤滑劑搽o係手同陰莖上面, 令手同陰莖都夠滑

第二彥: 令陰莖部分勃起 (唔駛完全勃起, 大約 50%)

第三步：50% 勃起之後，用拇指和食指形成一个 "O" 形 (好似做 OK 手勢咁) 套住陰莖根部 (即係近肚o個邊)

第四步：套緊陰莖 (要緊), 將你套住陰莖隻手慢慢擠上龜頭 (成個過程 3 秒左右, 唔可以太快)

第五步: 當你既手差唔多擠到去龜頭底既時候, 鬆手, 同時用你另一隻手重複做第 3-5 步

重複用左右手做呢套擠奶動作, 直到你達到你滿意既時間為止 (如果中間你軟左, 就刺激陰莖去返 50% 勃起度再做)


其實呢個運動唔一定要 50% 勃起, 不過最少你要有 50% 勃起, 據說如果你o係高 d 既勃起度 (75-90%) 做擠奶會有助粗度既發展, 而o係低 d 既勃起度 (50-75%) 做會有助長度既發展

不過建議新手唔好高勃起度擠奶, 因為你有可能會整傷陰莖

另外, 有人話 100% 勃起做擠奶會好易受傷, 所以我都唔建議大家 100% 勃起咁做


新手我建議唔好做多過 10 分鐘, 老手就可以做耐 d, 我依家每次做 15-20 分鐘左右

不過都係o個句, 唔好做太多, 因為你做得太多你陰莖會冇時間復原, 咁樣你係大唔到的

希望大家會明白點做啦...如果唔明...咁我建議你俾少少錢 join PenisHealth, 有 video 睇會易明好多...

有機會同大家講下點樣為之做得太勁

Extender - 買唔買得過?

尋日有位網友問我, 究竟 extender work 唔 work?

老實講, 佢真係問錯人

小弟o岩o岩開始帶左一個月都冇, 佢問我 work 唔 work -__- 我點會答到佢?

加上小弟係鍛鍊 同 extender 齊齊做, 大左都唔可以 100% 答到你關唔關 extender 事

不過, 我睇過其他齋帶既人講話係有用既, 不過效率好慢, 平均係每帶一個鐘長 0.0005cm

當然, 呢個數會隨住時間而減少 (如果唔係, 你帶 10 年每日帶 8 個鐘咪長 14cm? 聽落去冇乜可能

不過, 如果呢個數係o岩既 (0.0005cm/hour), 咁你就算帶一年, 每日帶 8 個鐘, 你都只係會增加到 1.46cm, 效率唔會高


另外, 個網友又問我, 咁即係買唔買得過?

其實兩睇啦, 睇你點諗

如果你只係因為唔想做鍛鍊, 想走捷徑, 齋帶 extender 去增長, 咁我勸你唔好買啦...你諗下你如果帶幾個月都唔會見到明顯增長既話你好快就會唔帶

如果你係想拎個 extender 做鍛鍊既附加工具, 咁我就覺得買得過, 因為佢可以幫到你加快你鍛鍊既成果


不過, 如果你o岩o岩開始做鍛鍊, 我就建議你起碼做夠一個月鍛鍊先考慮買啦~

其實我都係o個句, 鍛鍊啦...因為鍛鍊係最有效既方法

你做 20 分鐘既拉長運動分分鐘有效過你帶 8 個鐘 extender

Extender 可矯正陰莖彎曲

近日睇 forum, 發覺 extender 除左有增長作用之外,

長期帶仲可以矯正陰莖彎曲


其實我聽好多人講都有陰莖彎曲既問題

其實呢個算唔算一個問題我就唔係好清楚,

只不過陰莖如果唔係直既咁睇落去應該會比較短 (因為彎左)

至卡陰莖彎好定直好, 我諗冇一個標準既答案

前排睇 forum, 聽見有女仔話如果彎既會搞到好痛

但係我記得曾經又見過有人話如果彎既可以更加容易o係性交既時候刺激 G 點...

所以...我諗你最好問下你既床伴啦~~

不過如果你有呢個煩惱又想整返直佢既, 你可以試下買返個 extender 用下~

至於我, 唔知係好彩定唔好彩, 我冇陰莖彎曲既問題

報告 - 我仲未死

大家好

我失蹤左幾日, 希望大家唔好以為我死左~

呢幾日小弟病左, 加上周末, 所以都冇打理過個 blog...

亦都因為小弟病左, 所以我星期六同日都冇做鍛鍊...陰公

仲有十日我就足足鍛鍊左 30 日啦, 到時就會量一次細佬既長度同粗度睇下有冇大到

希望見到成果啦 (當然我會向大家報告)

另外, 突然醒起d野想o係度同大家講下

如果你鍛鍊既日子入面發覺自己好似勃起既時候冇咁硬, 係正常既 (唔好以為係副作用)

因為你既陰莖處於疲倦狀態 (尤其係如果你有做 kegel 運動, 因為係 BC 肌既運動, 而 BC 肌控制勃起硬度), 所以, 如果你當日要同女友或老婆 (或性伴侶) 行房既話, 最好就唔好做 kegel 運動啦~

由於小弟休息左兩日, 陰莖同 BC 肌得到適當既休息, 所以尋日我細佬勃起時亦突別硬~哈哈!


好啦, 我要去養病啦 (其實係懶得寫野 XD), 或者明日再寫多 d 野啦~

再談鍛鍊心得

今日再同大家講下我既心得

尋日同大家講過做擠奶鍛鍊最好o係朝早做 (雖然我o係夜晚做), 其實仲有另一個好處

如果你有帶 extender (拉長器, 我o係之前介紹過) 既, 咁o係朝早做擠奶係會好過o係夜晚做

點解? 咁就要再講下擠奶既原理啦...

擠奶鍛鍊既目的就係谷血入去陰莖, 等陰莖入面 d 組織出現微細既創傷, 久而久之, 陰莖入面既組織o係修復既時候就會令到陰莖可以容納更多既血, 慢慢你既長度就會增加 (大致上係咁啦)

如果你做完擠奶之後帶 extender, 咁你既陰莖就會o係一個被拉長左既狀態下進行修復過程, 咁修復完之後陰莖自然就會長 d (試諗下, 陰莖拉長左, 自然入面既空間多左, 就有多 d 位俾組織生長)

呢個所謂既 extended heal 理論 (拉長狀態下修復理論) 有幾可信我就唔係好知啦, 不過我覺得值得一試~

最衰我係一個比較懶既人, 唔到最後都唔會起身返工, 所以朝早冇多餘既時間做擠奶, 一定要o係夜晚做

不過我依家都唔會臨瞓先做鍛鍊, 一般都會o係瞓前兩三個鐘做完, 之後再帶兩三個鐘既 extender

希望今日既資料幫到你~

小小擠奶既心得

係時候分享下我做鍛鍊既經驗

其實好多人 (包括我) 一開始都唔係太知自己做擠奶做得o岩唔o岩, 所以o係呢度同大家分享下心得

如果你發覺擠奶係舒服既, 咁你九成都係做錯左

擠奶係唔應該舒服既, 如果你覺得舒服, 多數都係因為你擠得唔夠大力

另一樣常見既錯誤就係你一分鐘就已經擠左多過 60 下...

擠奶鍛鍊 quality(質) 遠比 quantity(量) 重要

如果你一秒就擠到一下, 咁俾你擠 1000 下都唔會有咩效果

我建議每擠一下最起碼要兩秒 (最好 3 秒)

慢慢由陰莖既根部擠上龜頭底部

另外, 有好多人都覺得好難可以o係全程擠奶過程都可以有 50% 或以上既勃起程度
如果你有呢個問題, 你可以o係插奶既時候睇下 av, 會對你維持勃起有幫助

另一個解決辦法係你可以試下o係朝早做擠奶, 因為朝早會易 d 勃起

最後, 如果你做完擠奶發覺陰莖有 d 小紅點, 唔駛擔心, 呢 d 係鍛鍊初期常見既現象, 通常 10-12 個鐘就會消失

如果仲有咩問題, 你可以隨時 e-mail 黎問我~

除左陽具鍛鍊既另類"增大"法

如果你個人係肥既話, 又懶得去做陽具鍛鍊, 你可以試下去減肥去"增大"你既陽具

因為只要你既皮下脂肪少左, 你既陰莖就唔會有咁多肥肉包住, 咁當然露出黎既部分就會多左, 自己就會睇落去長左

好似小弟咁, 我恥骨出面層脂肪有差唔多 1cm, 所以如果我減到 0.5 cm 既脂肪, 我既陰莖就會"長"左 0.5cm

咁當然啦, 減肥係唔會影響 BPEL (Bone Pressed Erect Length) 既, 所以呢 d 都只係視覺上既增長~

不過如果你連陽具鍛鍊都懶得做既話, 我諗你會更加唔想去減肥...因為減肥...係辛苦過陽具鍛鍊 XD


除左減肥, 另一種可以o係視覺上令陰莖長左既方法就係剪短 (或剃)你既陰毛

陰毛短左, 真係會令細佬睇落去長 d 嫁~

各位懶人, 如果唔想做陽具鍛鍊, 就試下以上呢兩個方法啦 XD

陽具鍛鍊應唔應該更公開?

最近小弟o係某個網度見到有人問, 陽具鍛鍊應唔應該更公開?

大家都知, 依家你出街同人講陽具鍛鍊, 人地根本唔知你講緊乜

由於陽具鍛鍊長期受到 "陽具增大騙局 e-mail" 影響, 所以一直都冇乜人知道有呢樣野

就呢個問題, 意見真係一半一半

有人覺得如果個個都識陽具鍛鍊, 咁陽具鍛鍊就變得冇意義, 因為我地做陽具鍛鍊無非都係想威 d, 去到更衣室可以光明正大晒蕉, 如果個個都識鍛鍊, 咁呢個意義就冇左

更加有人覺得因為自己係屬於慢收成者 (見 LOT Theory), 所以如果個個都識, 佢會唔夠人快, 所以佢都唔想陽具鍛鍊曝光

另一面既人就覺得陽具鍛鍊同做 gym 一樣, 個個都知做 gym 可以練好體形, 但又有幾多人真係會做? 因為呢個世界太多懶人, 所以就算個個都識陽具鍛鍊, 都未必個個都會去做, 所以就算陽具鍛鍊曝光佢地都唔介意


咁我又有咩睇法?

其實我對兩邊既意見都持同意態度, 不過我有少少傾向唔想公開 XD

睇黎我呢個 blog 應該唔再宜傳啦~~

咁點解我仲要寫呢個 blog?

一黎屎忽痕, 二黎如果我唔寫落去, 我會冇動力去做鍛鍊

高級少少既長度鍛鍊

今日同大家講一個高級少少既長度鍛鍊

鍛鍊方法同之前既差唔多, 只不過係大家拉長陰莖既時候同時做 reverse kegel.

由於要做 reverse kegel, 所以建議大家做之前去一去小便先~

做 reverse kegel 有咩好處?

由於有人認為當你拉長既時候你既 BC 肌會作出反射動作, 即係收縮, 去緩衝你拉陰莖既力, 所以會減低左你做拉長運動既影響力

所以有人認為當你做拉長鍛鍊既時候做 reverse kegel 去拎 BC 肌放鬆, 會令呢個緩衝力冇左, 令陰莖受力多左, 自然會有效左

咁當然係咪真係有幫助我唔係好清楚, 不過試下都冇壞

另外我有一個小小既建議~如果你做拉長鍛鍊既時候捉唔實陰莖, 你可以做拉長之後落 d 爽身粉, 咁你既陰莖會乾爽 d, 你自己可以捉得實 d

另外, 小弟依家開始會不定期更新, 因為最基本既野都介紹左俾大家知啦~以後會慢慢再加多 d 資訊俾大家, 不過就唔會日日都寫 blog 啦...除非我有其他題目可以寫下啦~

今日吹下水

今日唔係好想寫野, 同大家吹下水啦~

我係o係 4 月 21 號開始做陽具鍛鍊, 所以叫做左兩個星期啦, 我會o係 5 月 21 號量下細佬既長度, 希望到時有意外驚喜啦 (一個月我唔會 expect 有咩成果)

依家 extender 每日都係帶到 4 個鐘左右, 真係唔明點解有人可以一日帶到 8 個鐘 (因為真係幾唔舒服的)

另外, 我將我原先既計劃改變左少少:

1. warm up (3 分鐘)
2. 拉長鍛鍊 (10 分鐘) (我多數都係睇電視既時候做)
3. 擠奶鍛鍊 (15 分鐘)
3. warm down (3 分鐘)

當然, 其餘時間做 kegel 練習

我將原先既 20 分鐘計劃加長到 30 分鐘~我會慢慢將鍛鍊時間增加到一個鐘 (當然, 要以細佬受得落為大前提)

聽日同大家講個高級少少既拉長鍛鍊

Kegel 同 Reverse Kegel

早排小弟同大家講既 PC 肌練習, 其實我講錯左少少野, 因為佢唔係叫 PC 肌練習, 而係叫 BC 肌練習

原來女性同男性o係高潮既時候收縮既肌肉係唔同既...女性練既係 PC 肌, 而男性練既係 BC 肌...

所以男性做既係 BC 肌練習, 而女性做既係 PC 肌練習

不過因為太多人叫 PC 肌, 久而久之男性練 BC 肌就叫左做練 PC 肌

男性既 BC 肌有幾個作用, 一係控制小便, 二係控制射精, 三係幫助陰莖充血

所以如果你有強勁既 BC 肌, 你可以幫助陰莖充到更多血, 令細佬更硬, 扯得更高, 亦都可以更易掌握到射精, 防止早洩, 所以練呢舊肌肉真係百利而無一害

o係陽具鍛鍊呢個 field, 大多數人叫呢種 BC 肌收縮動作為 Kegel (中止小便就係 kegel), 另外叫 BC 肌放鬆動作做 Reverse Kegel (你小便既時候就係做緊 reverse kegel), 我以後都會經常用到 kegel 同 reverse kegel 呢兩個名詞, 所以大家記住啦~!

總結:
BC 肌收縮 - Kegel
BC 肌放鬆 - Reverse Kegel

之前同大家講過其中一種 BC 肌練習法, 其實 kegel 可以發展成好多唔同既鍛鍊法, 例如

1. 不停咁做快而短既 kegel
2. 每次維持 kegel 5 秒
3. 每次維持 kegel 5 秒, 但每第十下 kegel 維持 30 秒

其實你可以自己設計鍛鍊 BC 肌既方法, 小弟就會做 1 同 2, 間唔中會做 3, 1 同 2 每日都做 200-300 下

陽具鍛鍊 - 你準備好未? (4)

好, 睇下今日可唔可以完成個 topic~

我發覺好多人見到"陽具增大" 呢樣野第一個反應就係"昆水"
其實我都明白佢地點解咁諗, 但係我覺得佢地唔應該運試都未試就話係呃人

尤其係我所講既鍛鍊方法, 都係唔駛用任何金錢就做到既 (如果你話買 BB 油都算係用錢, 咁我都真係冇野好講)

其實我所講既陽具鍛鍊背後既理論, o係現今都冇一個統一既講法...不過對我黎講, 知道佢係 work 就得, 其他都唔係好重要

上次講到大家應該有充足既準備, 要有周詳既計劃~其實做陽具鍛鍊, 最好有一班志同道合既朋友一齊討論~因為o係你見到人地有成果時可以令你有更大既動力去做, o係你見唔到成果時你又可以向 d 有成果既朋友度交流下心得

我唔知道有冇中文既陽具鍛鍊討論區, 但如果大家唔介意睇英文, 你可以先睇下 Mens Network 呢個討論區, 我一開始接觸陽具鍛鍊都係去呢個討論區搵料~

其實我講既大致都係咁上下, 其餘都要睇你既做化

另外一樣野就係我建議你唔好太急進, 好似我o係之前講既拉長器(extender) 雖然可以幫你o係平日都做到拉長鍛鍊, 但我唔建議你一開始就用 d 咁高級既野 (起碼做左陽具鍛鍊一個月先考慮)

咁點解我一開始就用? 因為我有經驗 lor...我都講過, 我接觸左陽具鍛鍊都有 5 年, 只係一直都冇下定決心去做...所以之前都係咁做過下 (即係幾個月先做一兩日o個 d), 所以我相信我一開始就用埋 extender 都應該冇乜問題~

最後, 希望大家可以一齊下決心做好鍛鍊佢~我會繼續同大家匯報我既進度同埋分享更多既資訊俾大家~!

陽具鍛鍊 - 你準備好未? - (3)

繼續尋日既 topic.

如果你睇完呢個 blog, 下定決心開始鍛鍊既, 咁恭喜你, 你已經邁進成功一步啦~

當然, o係你開始之前, 你要好好咁計劃下每日抽幾多時間去做鍛鍊

好似我咁, 我係每晚臨訓前做, 每次 30 分鐘 - 45 分鐘

由於我係一個人住, 所以做鍛鍊時比較方便, 唔駛就時間

如果你屋企好唔方便既, 我建議你將你既鍛鍊分開兩個時間, 好似朝早做 15 分鐘夜晚做 15 分鐘
即係比你 d 屋企人遲少少訓, 又早佢地少少起身

我知好多人都係將個鍛鍊分開兩 part 做, 朝早做拉長鍛鍊, 夜晚做擠奶鍛鍊, 如果你覺得比較好既可以試下

做陽具鍛鍊一定要持之以恆, 唔可以話今日唔想做就 skip 一日...即係好似我每次減肥都話今日唔去跑步聽日先再跑啦, 咁樣永遠都唔會減到

如果你真係下定決心做, 請你唔好半途而廢, 起碼維持半年吧!

當然, 適量既休息係好重要. 如果你一個星期 7 日都鍛鍊, 多數你都唔會成功, 因為你都唔俾你條野有足夠既休息

另外要注意既係陽具鍛鍊係一場馬拉松, 唔係短跑, 你唔可以過份咁做

如果你o岩o岩開始做, 第一日就做一個鐘 (太多), 咁都唔會有效, 你更加有可能會傷到你既細佬

我有個新手 plan 俾大家:

1. warm up (3 分鐘)
2. 拉長鍛鍊 (每邊 30 秒, 做 5 set)
3. 擠奶鍛鍊 (每下 3 秒, 做 300 下)
4. warm down (3 分鐘)

另外每日做 400-500 下 Kegel (PC 肌收縮運動, 每次收縮維持 5 秒)

每星期搵兩日休息, 最好係做兩日休息一日再做三日休息一日, o岩o岩好 7 日一個循環

當然, 質 (quality) 係比量 (quantity) 重要! 所以你一定要清楚自己做得o岩唔o岩, 當然有影片睇會清楚好多, 如果你唔介意洗少少錢, 你可以 join PenisHealth. 如果你唔想俾錢, 小弟遲 d 或者會提供一 d 免費 video 俾大家睇.

以上係最基本既練習, 因為係基本野, 所以可能要耐 d 先見到成果, 遲下有機會我會講下 d 比較高級既鍛鍊 (我自己都未開始做, 因為最好一開始先做基本野)

今日講到呢度, 明天又再繼續

開張半個月

原來我個 blog 都已經開左半個月啦~而我既鍛鍊旅程都開始左差唔多兩星期

原來要搞一個 blog 都要花幾多既心機, 起碼我依家每日有半個鐘到一個鐘要用黎寫 blog, 每日又要花另外一到兩個鐘去搜集資料同大家分享 (雖然我都有得益 XD)

不過我就係想大家同我見證下陽具鍛鍊既真實性~所以點都要付出下

開張半個月, 人流真係普普通通, 我又唔識得點樣去宣傳個 blog

如果你睇完個 blog 覺得係好既, 麻煩你幫我宣傳下 XD (我都知好難嫁啦, 我都想分享俾我 d 朋友, 不過呢樣野真係比較難去話俾其他人知既)

小弟都開始左鍛鍊差唔多兩星期啦, 依家都開始習慣每日抽出半個鐘做鍛鍊, 亦都慢慢開始摸熟點樣正碓做鍛鍊

其實我好想開個 forum, 等大家可以一齊分享下自己既心得同成果, 不過小弟冇經濟能力去 host 一個 forum, 如果你有興趣一齊搞個 forum, 記得話聲我知~

陽具鍛鍊 - 你準備好未? - (2)

昨天同大家講左市面上好多呃錢既野,

其實我都曾經身受其害...

記得我第一次接觸陽具增大呢個 area, 就係見到有呢所謂既增大藥買...(都成 5 年前啦)

仲一買就買左二百幾蚊美金...

不過唔係因為交左學費, 我都唔會知道有陽具鍛鍊呢樣野

呢種陽具鍛鍊英文叫 "Natural Penis Enlargement", 亦即係小弟o係呢個 blog 度主要講既野

其實當小弟o係 5 年前俾人昆左去買增大藥既時候已經聽過有陽具鍛鍊, 不過我心諗...食藥就得, 不如揀食藥啦, 唔駛咁煩, 買左返黎就後悔啦

因為我買完之後就o係 d 外國某 d forum 見到 d 人話齋食藥係唔會大既...不過如果你鍛鍊時食呢 d 藥做輔助就可能幫到你加快增大過程 (不過都係冇人證實到呢 d 藥有冇用)


你可能會問, 咁點解當時我唔做陽具鍛鍊?

一個字: 懶!

最主要既原因就係懶! 呢個亦都係大部分人肯俾錢去買藥俾人昆既原因...好似減肥咁, 係人都知做運動同適量既飲食可以減肥, 但係偏偏就咁多人去買咩減肥藥, 去 join 埋 d 減肥公司...小弟當時就係呢種心態...唔願意付出就想有收獲. 我當時其實都有做過鍛鍊, 不過同我做 gym 一樣, 一兩個月先做一日, 你話有冇用? 所以做陽具鍛鍊同你做 gym 一樣, 係唔可以懶!

另外一個原因就係, 經過買藥一事之後, 我唔敢肯定陽具鍛鍊係咪真係有效, 雖然當時o係 d forum 好多人都話佢地成功增大到, 但小弟都係半信半疑

其實呢個原因亦解釋到點解冇乜人知道有陽具鍛鍊既存在, 因為我地已經受到 d "增大藥, 增大 pump" 既影響而覺得所有既增大方法都係假既


直到最近, 小弟屎忽痕又重遊舊地, 接觸返陽具鍛鍊既 forum...發覺有好多人都可以成功增大到 1-2 吋 (有 d 活躍既人甚至有更大既增長), 真係依家先黎後悔做乜當初唔早 d 做...

其實市面上咁多種增大方法, 陽具鍛鍊係最平 (甚至唔駛錢, 如果你繼續睇我個 blog, 我會繼續講多 d 唔同既鍛鍊方法) 同最有效既...基本上你係唔駛買任何野, 只要有對手, 同每日空出 30-45 分鐘, 你一年內一定會見到回報

好啦, 今日又講到呢度啦, 明天再繼續分享我既心得