量度陰莖既正確方法

今日同大家講下點樣量度陰莖

通常我地唔會量度未勃起時既長度同粗度 (因為變化太大, 好似溫度改變少少都會影響未勃起時既長度同粗度)

我地要量既係 100% 勃起後既長度同粗度

o係呢度為大家介紹兩個 term: BPEL 同 EG

BPEL 全名係 Bone Pressed Erect Length (Bone Pressed 既勃起長度), 而 EG 既全名係 Erect Girth (勃起後既粗度)

量度既方法係首先令自己 100% 勃起, 然後企起身, 用把間尺放o係陰莖隔離, 間尺稍為向恥骨方向(即係推向自己既方向), 直至你感覺把間尺按到恥骨為止, 之後就可以量度陰莖既長度

點解要向入推? 因為恥骨出面層脂肪會隨住時間改變. 當你今個月層脂肪係 1cm 厚, 但下個月你肥左, 脂肪有 2cm 厚, 咁如果你唔將把間尺推入去, 咁你就會發覺你既陰莖短左, 做成量度不一致 (所以其實減肥可以令陰莖睇落去長 d) 所以我地要做 "Bone Pressed" (向骨推入) 既量度 (醫院 d 醫生都係咁樣幫病人量度陰莖)

間尺方面, 最好搵鐵尺, 因為鐵尺係由最邊邊開始當 0cm (大部分既膠尺都唔係由最邊邊開始度)

如果你條陰莖係曲既...咁就比較難度...我建議你搵 d 可以屈既間尺去度

(關於陰莖唔直既問題遲 d 又會同大家講下)

度完長度, 咁就要度粗度

由於陰莖唔同位置既粗度都有少少唔同, 所以你揀左o係邊個位度, 以後就o係度o個個位度 (在下o係中間度), 咁樣先可以達到一致性

量度既方法好簡單, 搵條繩, o係自己既陰莖圍一圈, 打記號用左幾長既繩, 再度返條繩既長度

另外, 量度陰莖一定唔好高估左自己既長度. 如果高估左, 咁你日後就算長左粗左都會錯覺自己冇增大到

希望呢 d 資料幫到大家~